Fshati I Nivicës
Nivica është një nga pesë fshatrat e luginës së Kurveleshit. Fshati ndodhet në një pllajë 790 m mbi nivelin e detit me pamje nga kanione mahnitëse. Ndodhet 20 km nga bregu dhe 25 km në jug-perëndim nga Tepelena, shtëpia e të famshmit Ali Pasha. Historikisht Nivica ishte brenda një fortese të lashtë që daton 2400 vjet më parë sipas zbulimeve arkeologjike. Në vitin 1913, gjatë luftërave ballkanike, fshati u shkatërrua dhe që atëherë nuk është rimëkëmbur kurrë plotësisht. Urbanizimi dhe mundësitë e dobëta ekonomike bënë që Nivica deri në vitin 2016 të merrte formën e një fshati të shkretë. Fshati Nivicë ofron shumë aktivitete që mund të ndërmerren në malet përreth, kanione dhe në shtigje, të cilat do t'ju çojnë në çdo drejtim. Bëni ecje, ecni me biçikletë, ngisni një kalë, shikoni specie të rralla zogjsh ose thjesht qëndroni prapa dhe shijoni peizazhin e bukur - të gjitha në një vend dhe shumë të tjerë përreth.
Hiking
Ka disa shtigje të lashta rreth Nivicës, të cilat janë të shënuara dhe që do t'ju çojnë në të gjitha drejtimet - në ujërat e kristalta të rivierës shqiptare (Borsh), qyteti më i afërt dhe vendlindja e Ali Pashës, ose në jug fshatra dhe qytete antike si Finiq dhe Butrint. Për përvojën më të mirë të mundshme, rekomandohen guidat lokale!
Biçikleta
Pikërisht në pikën informative në qendër të Nivicës, mund të marrësh me qira biçikleta dhe të nisesh në aventurën tënde në afërsi.
Kalërim
Terreni përreth Nivicës ofron gjithashtu mundësi të mëdha për kalërim të këndshëm. Kuajt mund të merren me qira pikërisht në fshat.
Kanioning
Kanionet e Nivicës janë ndër më të rrallat dhe të bukurat në Evropë dhe ato gjithashtu përbejnë ujëvarat më të larta që gjenden në kontinent (më shumë se 200 metra).
Akses i rrugës
Rrethinat e Nivicës ofrojnë kushte të shkëlqyera për një udhëtim me 4x4. Fshati është lehtësisht i aksesueshëm direkt nga Borshi, një qytet i vendosur pikërisht në rivierën shqiptare.